Camiñando cara un concello de todas
18 Xaneiro, 2015
1

Ourense en común continúa no 2015 a súa dinámica de construcción dun programa participativo pensado por e para a xente de Ourense. Pechamos o 2014 no que acadamos o obxectivo inicial de 1.500 sinaturas de apoio e nos dotamos dunha estrutura de organizativa. E comezamos un novo proceso que transita polos barrios achegándose á realidade do día a día das veciñas e veciños: Seixalbo, A Carballeira… e todos os que virán despois. Ao mesmo tempo están en marcha os encontros sectoriais que ofrecerán unha diagnose da situación na que se atopan os servizos municipais do concello así como a proposta dunha alternativa política para a súa xestión. A cultura, o termalismo, a economía, a mobilidade, o urbanismo… repensados dende os principios que sustentan este movemento municipalista. Porque cremos que o cambio democrático que ven debe comezar naquela institución máis cercana á cidadanía. Facendo á xente protagonista. Redefinindo o concepto de gobernantes e gobernados. Creando un compromiso ético colectivo para cambiar de vez a forma de facer as cousas.

Imaxes do 1º encontro 26-12-14E este compromiso materialízase tamén nun proceso de confluencia. Ao longo dos meses de decembro e xaneiro Ourense en común está a levar a cabo reunións coas forzas políticas da cidade que se viron interpeladas polo chamamento para recoller o seu apoio e facilitar a súa integración nesta iniciativa. Porque cremos firmemente que só así, actuando con xenerosidade, se pode conseguir o obxectivo. Sumando a experiencia acumulada de persoas que comparten uns principios semellantes con novas formas participativas de facer política.

xornadE esas novas maneiras están a coller forma en xornadas participativas como a desenvolvida ao redor da redacción do regulamento que rexirá o proceso de primarias cidadás abertas polo que se configurará unha candidatura para as municipais de maio. Un proceso transparente dende o seu inicio que culminará cunha xornada electoral na que calquer cidadá que o desexe poderá escoller directamente non só o cabeza de lista se non cales son as persoas que pensa que o van representar mellor no concello. A mobilización dunha veciñanza libre, madura e responsable que exerce a súa capacidade para elixir, fronte ás formas tradicionais de listas dirixidas opacas que escapan ao control da xente. Unha veciñanza que debe exercer permanentemen o dereito a controlar ás persoas que ocupan posto de concelleiro e tamén á figura da alcaldesa. Unha veciñanza activa e organizada que supervise a actividade municipal e cree así un verdadeiro contrapoder na rúa que evite os desmanes corruptos que asolagan actualmente as nosas institucións.

seixalboE sabemos que é posible, estamos orgullosas do Ourense vivo e desperto. Do Ourense que emprende socialmente que é libre e non ten medo. Un Ourense que reclama, que é solidario e activo. Un Ourense que se expande cada día máis. Que só mira ao pasado para saber que é o que non quere xa máis. Que quere enterrar para sempre as prácticas nepóticas que condenan á provincia e á cidade aos postos de cola no desenvolvemento. Un Ourense que premia o talento, os méritos e o esforzo dos seus veciños. Un Ourense feito por todos. Unha cidade para todas.

1 comment

  1. Este comentario es para testimoniar mi agradecimiento por la gentil y amable asistencia que recibí de los compañeros de OUeC para que pudiera participar en los grupos de trabajo. Por razones profesionales no he podido dedicar todo el tiempo que me hubiera gustado para acompañarles en su duro, constante y organizado trabajo y lo que me resulta más entrañable es que siguen contando conmigo. Es como si me dijeran, trankilo ¡un granito de arena cuenta!

    Me siento orgulloso de ser ourensano… de ver como Ourense emprende socialmente…”que é libre e non ten medo”

    Un Ourense que reclama, que é solidario e activo. Un Ourense que se expande cada día máis.

    ¡Grazas compañeiras y compañeiros!

Os comentarios estan pechados